Í landi Voga 3 í Mývatnssveit hefur verið skipulögð frístundabyggð, sem hefur
fengið nafnið Birkiland.Þar eru til leigu 30 lóðir. Stærð lóða er frá 3.000 til 7.400 m2.
Heitt og kalt vatn og rafmagn er á lóðarmörkum.
Birkiland er sannkallaður sælureitur í sveitinni.
Svæðið er í grónu hrauni með birkiskógi allt um kring, þar er mikið og gott skjól og fallegt útsýni.
Birkiland er fyrsta frístundabyggðin í Mývatnssveit.Mývatnssveit hefur löngum verið rómuð fyrir fegurð, þangað leggja þúsundir ferðamanna leið sína sumar sem vetur.
Frístundabyggð er nýr möguleiki fyrir áhugasama um sveitina.
Stutt er í alla þjónustu í sveitarfélaginu, s.s. sundlaug, golf, verslun, jarðböðin, veitingastaði og verkstæði.
